Temos clases para todos os ritmos e niveis, pero o noso nivel básico está pensado especialmente para ti, que non bailaches nunca e queres comezar a gozar!
Ensinamos os puntos básicos de muiñeira e xota dun xeito sinxelo e paciente.
Un grupo de xente coma ti, con ganas de aprender e de botar unhas risas.
Aprenderás a escoitar a música e a entender cando e como entrar ao baile.
Participou na danza tradicional galega dende moi novo e formouse en outros estilos de danza como a contemporánea, a clásica e o flamenco, así como en diferentes xeitos de comunicarse a través do movemento, participando en numerosos cursos de danza e teatro impartidos por recoñecidos profesionais de cada sector. A actividade física sempre formou parte da súa vida, de aí a súa licenciatura en Actividade Física e Ciencias do Deporte pola Universidade de Vigo en 2012.
Como bailarín, recibiu varios premios, entre eles o premio especial Vigo Porté (con «Flamenkeando») e o premio Vai de Baile, organizado polo programa Luar da Televisión de Galicia. Desde 2013, centrou a súa carreira profesional na docencia, principalmente de danza tradicional en numerosas asociacións de Vigo e arredores.
Continúa descubrindo novas formas de expresión física, e o seu principal interese céntrase en atopar novas maneiras de transmitir unha parte fundamental do patrimonio de Galicia. Nas súas propias palabras: «O meu traballo céntrase en facer que o baile tradicional galego sexa sinxelo e atractivo para todo o mundo.»
Temos clases para todos os ritmos e niveis, pero o noso nivel básico está pensado especialmente para ti, que non bailaches nunca e queres comezar a gozar!
