Temos clases para todos os ritmos e niveis, pero o noso nivel básico está pensado especialmente para ti, que non bailaches nunca e queres comezar a gozar!
Ensinamos os puntos básicos de muiñeira e xota dun xeito sinxelo e paciente.
Un grupo de xente coma ti, con ganas de aprender e de botar unhas risas.
Aprenderás a escoitar a música e a entender cando e como entrar ao baile.
Participei na danza tradicional galega dende moi novo e formeime en outros estilos de danza como a contemporánea, a clásica e o flamenco, así como en diferentes xeitos de comunicarse a través do movemento, participando en numerosos cursos de danza e teatro impartidos por recoñecidos profesionais de cada sector. A actividade física sempre formou parte da miña vida, de aí a miña licenciatura en Actividade Física e Ciencias do Deporte pola Universidade de Vigo en 2012. Actualmente continúo formándome, estudando interpretación na Escola Superior de Arte Dramática de Galicia.
Como bailarín, recibín varios premios, entre eles o premio especial Vigo Porté (con «Flamenkeando») e o premio Vai de Baile, organizado polo programa Luar da Televisión de Galicia. Actualmente participo como integrante en Fran Sieira compañía de danza, enespectáculos como Ceibe ou Coreografías dun Demente.
Desde 2013, centrei a miña carreira profesional na docencia, principalmente de danza tradicional en numerosas asociacións de Vigo e arredores.
Continúo descubrindo novas formas de expresión física, e o meu principal interese céntrase en atopar novas maneiras de transmitir unha parte fundamental do patrimonio de Galicia. Nas miñas propias palabras: «O meu traballo céntrase en facer que o baile tradicional galego sexa sinxelo e atractivo para todo o mundo.»
Temos clases para todos os ritmos e niveis, pero o noso nivel básico está pensado especialmente para ti, que non bailaches nunca e queres comezar a gozar!
